ክታብ - ሜራስ አድጋማት ትግሬ ክምኩም - ሐርማዝ፣ ህመ'ም ወወልዱ

ሐርማዝ፣ ህመ'ም ወወልዱ

ህመ'ም እግል ወልዱ እት ሐቴ' አካን ሓድጉ ዐለ። ወእግል ወድ ህመ'ም ሐርማዝ መጽአዩ፡ ከእብ እገሩ ኬደዩ ወእንዴ ሀጭቀ ቀትለዩ።

ወእግል ህመ'ም መውዒታይ፤ “ወልከ ሞተ!” እት ልብል አሰ'አለዩ። ህመ'ም ህዬ፤ “ወልዬ መን ቀትለዩ?” እት ልብል እግለ መውዒታይ ትሰአለ። ለመውዒታይ፤ *“ወልከ ሐርማዝ ቀትለዩ።” እት ልብል በልሰ እቱ'"።

ደአም ለህመ'ም፤- “ወል ገድም ሐርማዝ ቃትሉ ይሀለ፣ ዐጣል ቀትለዩ” እት ልብል - አስተንተነ። ወለመስ'እላይ፤ “Ad: ወልካዲ ሐርማዝ ቀትለዩ” እት ልብል አከደ እሉ። ምናተ ለህመ'ም፤ “ያየእ! ወልዬ ዐጣል ሌዐ ቱ ለቃትሉ ሀለ'፡ እሊ' ውዳ'ይ ዐጣል ቱፖ እንዶ ቤለ መርባት ወልዱ እግል ለአቅስን ጌሰ ወእግል ለዐጣል እግል ልቃትል አንበተ።

ህመ'ም፡ ለወልዱ ሐርማዝ ክምሰል ቀትለዩ ምንመ ኣመረ፡ እግል ሐርማዝ ሒለቱ ምን ኢረክበ፡ ለመርባቱ እት ዐጣል አመስመሰየ ከለዐጣል ቃተለ። ወአስክ አዜ ክምሰልሁ VA UNH አዳ ምመ ዎሮት ምኑ'- ለልትደ'ቀብ ምን OTM: ወሒለቱ ምን ኢረክ'ብ፣ እት ለምኑ' ሐው'ን ቀን'ጽ።