ክታብ - ሜራስ - አድጋማት ትግሬ ክምኩም - ድግም ቅርቅሬ ወሓምድ ወልደ

ድግም ቅርቅሬ ወሓምድ ወልደ

ቅርቅሬ ለትትበሀል ሰሬረት ሀሌት። ወህተ ወል ዐለ እለ። ወስሜቱ ሓምድ ተ። ሓምድ ወድ-ቅርቅሬ ንህብ ቀትለቱ ምነ። ከቅርቅሬ ለመርባቱ እግል ተቅስን ትትጻ'ገም ሀሌ'ት። ንህብ ወውላ'ደ እግል ተአብዴ ክእነ' ትወዴ' ሀሌ'ት፤ ለንህብ እት ጋንጊ ዕጨ'ት ዎክ እት ግብ እበን ባይአት ዶል ትርእየ፡ አዳም ትመሬሕ እተ'"። ከአዳ'ም እት ልሐል'ፍ ክምሰል ርኤት፡ እት ድዋር ለአዳ'ም እንዴ ገአት፡ አስክ ለአዳ'ም አሰር ማርሒተ ገብእ፣ እንዴ ኢተአትካርም ትነቅ'ም።

ወለሓልፋይ ገበይ ለንቅመተ ምን ፈርግ፤ “ገዶ እም ሓምድ፡ ወልዬ ሓምድ፡ ወልዬ ወወልኪ ቱ፡ ረቢ ወደየ ምን ገብእ፡ መርባቱ እግል ነአቅስን ቱ” እት ልብል ለአድሄ እለ።

ወክእነ ህቱ እት ለአድሄ እለ፡ ወህተ እት ትነቅም ወእት ትመርሑ እት አካን ለንህብ ትበጥር። ወአስክ ለአዳ'ም ልርእየ At ተአትቃብል እሉ። ወሐር ለአዳ'ም ክምሰል ረአየ ህተ ትገይስ'፡ ወለአዳም እሳት እንዴ አጽበጠ እብ ተናን ለንህብ ለአሸክር ከመዐረ ሸንክል። ወቅርቅሬ ክእነ እግል አዳም እት ትመሬሕ፡ ለእለ ርኤት አካን ንህብ ክለ ተሐብር። ወንህብ እብ እሳት ለመሸንክለት፡ ምነ ወምን ውላደ ብዞሕ መይት። ቅርቅሬ ገድም ክእነ መርባት ወልደ ተአቀስ'ን ሀሌት። ወአስክ አዜ ክምሰልሁ እት ትወዴ ትትርኤ። ደአም ሐት-ሐቴ ዶል ትቀሸከ ከእት ሔዋን ወእት አራዊት ትመሬሕ።