ጀኣረት ለትኬለማ ኣፍዓል ጀሪመት
ንዛም ሸዓብየት ወድ ትስዒን፡ ወድ ተማ ኒን አው ወድ ሰብዒን ሰነ ት ድግለል ሰጅና፡ ውላድ 10 አው 14 ሰነት ኣግሩዝ ለዓዝብ ሀለ፡ ዓድ ፍላን ዲብ ወልዶም አው ኣቡሆም ፍራሽ ኢትውደው ቤለዮም፡ ኣዳም መናበረቱ እግል ኢልሳይር እት አግቡይ ዴሽ እንዴ ከረ ምን ኣካን እት ኣካን እክል ወሐሊብ፡ ወዕጨ ይ ወማይ እግል ኢልሕለፍ ማ ንዕ ሀለ ለልብል ኸበር ዲብ ቀበት ሙጅተማዕ ኤረትርያ ምና ክልዶል ለልትሰመዕቱ። እሊ ኩሉ ዲብ ኤረትርዪን ለጀራ ወጀሬ ለህለ ጀራይም ምስለ ዲብ እዲና እብ እጅራሞም ለልትአመሮ ሜ ርሐት እግል ነአሳንኑ ወነአትመ ጣ ውሩ ምን ነሐዜማ ኩሉ ረአሱ ጀራይም ሜርሓይ ንዛም ሸዓብየት መትጃግራይ ኢረክብኒ። እግልሚ ቱ ላኪን እለ ኩለ ጀኣረት?
ጀራይም ኢሰያስ እት ረአስ ሸዓብ ኤረትርያ መበግሲ ናዩ ጀኣረት ሌጣ ሰበት ቱ እክል እሊ ጀራይም እግልሚ ለአጀርዩ ሀለ ለትብል በሊስ ለኢትረክብ ሰኣል እግል ልብለሶ እተ ለቀድሮ መኤምረት ዕልም ነፍስ ሌጣ ቶም።
ሰብ መቅደረት ዕልም ነፍስ ክም እሊ ሜ ርሓይ ንዛም ሸዓብየት ጠባይዕ ለቦም እብ ዐዛብ ናይ ኣዳም ለልትረይሖ እብ ጀኣረት ወሱፎም። ጃእር ደረጀት ራሐቱ ሐሰብላ ለለአጀርዩ ጀራይም ሰበት ዘይድ፡ ጃእሪን ላቶም ሜርሐት እት ረአስ ኣግሩዝ፡ ኣንሳት ወደገልል ጀራይም ዶል ለአጀሩ ዝያድ ክም ልትረይሖ ለሰብ መቅደረት እተ ወደዋ ድራሰት ለአክዶ።
ጃእሪን ኣንፋር እባ እሙ ራት አርበዕ ናይ መዕነውየት ሕሽሞታት ውላድ ሚንኣደም እግል ልትመ ርሖ እበን ለቀድሮ ለደመዓው ቶም። ለሕሽሞታት
- መደጋግ ወሰፋየት፡
- ረሕመት እንሳንየት ወዓድል፡
- ፍርስነት ወአማነት ወ
- ሕሽመት እንሳንየት ወ ጣባይዕ ልትበሀላ።
ኣንፋር እበ ነስእዉ ቀራራት በህለት፡ እት ረአስ ወድ ሚንኣደም ወብዕድ ሓጃት ለቦምታ መንፈዓት ወእግል ልሰቡባ ለቀድሮ መደረት እንዴ ደገገው ወሐስበዉቱ ለነስእወ። እብ መረድ ጀኣረት ለትደመዓው ኣንፋር ላኪን ለነስእዉ ኸጥዋት እብ መደጋግ ወረሕመት እንሳንየት ኢኮን። እሊ ሕሽሞታት እሊ እንዴ ኬደው ህዬ ምን ገበይ ራትዓት ለሸክፋ ኸጥዋት እንዴ ልተበዖ ልትረአው።
ረሕመት ለአለቦም ኣንፋር ኣዳም ምን መይት፡ ምን ወጅዕ ወምን ለሐዝን ኩሉ ረአሱ ኣሰፍ አለቦም፡ ኣሰፍ ኣለቦም ሌጣ እንዴ ኢገብእ፡ ኣክለ ኣዳም ሞታ ወተዓዘበ ዝያድ ልትረይሖ። ክእና ሰበት ገብኦቱ ህዬ ሜርሐት ሸዓብየት፡ ኤረትርዪን እት በሓር እንዴ ቶቀው ኣምኣት እሎም ፋንያም ዲብ እንቶም ሄሰት እግል ትግበእ ኣዋምር ለአስደረው። ኤረትርያ ጀሀነብ እንዴ ገብአት እቶም ለሀርበው ከእት ገበይ እት ሰሕራእ ወበሐር ለሞተው ዋልዴኖም ፍራሽ እግል ኢሊደው ለምንዖ እቡ ሰበብ፡ እብሊ ረሕመት ለአለቡ ጠባይዕ ድምዓም ሰበት ገብአውቱ።
ምን ጀኣረት ሰበት ልትበገስ ቀራራቶም ዓድል ኢኮን፡ ዐድል ወጀኣረት ህዬ ፈሖ ወብሶት ቶም። ጃእሪን እብ ዐድል ለልትሰአል ነፈር ዶል ልርኡ ዛር ናይለ ቀትል ቀንጽ እቶም። ዐድል ኣሳሱ ኣማ ን፡ ሳወዮት ለለአትሐዝዩ ሐቂቀት ቱ። ጀኣረት ለልትነፍዖ ኣንፋር ላኪን ኣማን ለአወላይት ቄትላይቶም ታ። እብ ዐድል ሐቆ ፈርደው ለመይት ኣዳም ሰበት ኢለሀሌ፡ ለመይት ወለ ልትዓዘብ ኣዳም ሐቆ ይህለ ጃኢሪን እግል ልንበሮ ሰበት ኢቀድሮ፡ ዐድል እንዴ ትከየደ ዝልም እግል ልውሰዕቱ ለተርሆ።
ጃእሪን ሐጠር ወደማነት እት ኖስ አለቦም፡ ፈርሀት ዲማ ዕላመቶም ታ። እት ዐዛብ ኣዳም ፍሩራም ሰበት ቶም ዲማ እብ ሸዓብ እቡያም ክምቶም ለአምሮ፡ እግል ለገብአ ነፈር ህዬ ልትሸከኮ ወእት ኖስ-ኖሶም ማ ሕድ እንዴ ፈርሆ ነብሮ።
ጃእሪን ለገብአት ሓጀት ተአፈርሆም፡ ለኩሉ እንዴ ልትሸከክ ለነብር ጠባይዖም ህዬ ፈርሀት ኸልቅ እቶም። እብሊ ህዬ ፍጅዓም ወሙ ጅርሚ ን እንዴ ገብአው ደለ ረአዉ ደገልል፡ ኣንስ ወአግሩዝማ እንዴ ኢፈንቱ እንዴ ለዓዝቦ ልትረአው። እብ ዓዛብ ብዕዳም እግል ዶሉ እብ ራሐት ሰበት ልሽዕሮ ህዬ አክል ሕድ ክም ሰብ መኸደራት ልደውረሮ።
ፈልሰፈት ቀዲመት ናይ ግሪኽ በህለት ዮናን እብ ፍንቲት ፈልሰፈት ኣሪስቶትል ኣደም እት ምግብ ክልኦት ኣጥራፍ ለህለ ምግብ እት ዎሮት እንክር እግል ኢልደለል ለለአተቅድር ናይ ሜዛን መቅደረት ቡ። ሐጠር ወህበት ቱ፡ መ ራ ዜደ ምን ገብእ እት ፈውደት ወመራ ሐደ ምን ገብእ ህዬ እት ፍጀዕ ልትበደል። እብ ፈልሰፈት ዩናንዪን ሐጠር ሐጠር እግል ልግበእ ምግባይ ቃኑን ሐቆ ተበዓቱ።
ዮናንዪን ዕልብ አውማ ሕሳብ እት ግርመት ወአማን እብ ሐጅም አውማ ሸክል ወመትመሳነዮት ለትአሰሳቱ ልብሎ።
ጃእሪን እብ ቅበ ወመግሃፍ ስልጠት ለዖረው ሰበት ቶም ምን ገሮቦም ሰልፍ ለልትደመዕ ሙ ክ ቱ። እብሊ ህዬ ፍንጌ ገፈፍ ወብለቅ እግል ልፈርጎ ኢቀድሮ ልትበሀል። ሐቴ ሰበት ኢፈጥኖ ህዬ መኽሉቅ እንዴ ለአፈኑ ልትረአው።
እብ ወሃብ ምከኤል ስብሐቱ