ክታብ - ሜራስ - አድጋማት ትግሬ ክምኩም - አድጋማት አቡነወስ

አድጋማት አቡነወስ

አቡነወስ ለልትበሀል እናስ ዐረቢ ቱ። እት ዘበን ቅዱም ህዬ ሐቴ ዔለ ወሐቴ ነገለት ዐለየ እሉ ልትበሀል። ለዔላሁ አቅርን ዐጣል እት ድዋረ ሳቀቀ። ወእግል ለአቅርን ለአፈችቱ ክምሰል ልትርኤ እንዶ ወደ ሳቀቀዩ።

ሐቴ' ምዕል ዎሮ እናስ ገመል ጽዑን እት ዋሌ ገይስ ዐለ፣ ወሐር ማይ እግል ልስቴ ዲብ ዔለ አቡነወስ አወለጠ። አቡነወስ ለእናስ እብ ገመሉ እት ልመጽኡ ክምሰል ረአ፣ እግለ ነገለት ዲብ ለዔለ ከረየ። WANDA ገመል ክምሰል መጽአ፡ ህቱ ወአቡነወስ ሕድ ትሳለመው። ወለጋሻይ እግል AM OAL

“እንዴ ማይ አስቴኒ” ቤሎ። ወአቡነወስ፡ *ሰኒ'” እንዴ LA: ማይ እግል ልጅቀፍ ዲበ ዔለ ትከረ። ክምሰል ትከረ፡ ሰልፍ እግለ ነገለት እንዴ ነዝዐየ አፍገረየ ወሐር እግለ ለጋሻይ አስተ። ለጋሻይ ማይ ክምሰል ሰተ፡ እት ልትዐጀብ፤

“እለ ነገለት ለምንለ ዔለ አፍገርክሀ፡ ምን አየ ረከብካሀ?” እት ልብል ትሰአለ። ወአቡነወስ፤ እሊ እት ድዋር ለዔላዬ ትርእዮ ለሀሌከ አቅርን፡ ክሉ ዐጣል ቱ። ክል-ምዕል ክልኦት ቀር ክምሰል ነቀልኮ ምኑ፡ ምን እለ ሐቴ ነገለት ትፈግር” እት ልብል በልሰ እቱ።

ለእናስ እተ ድግም ብዞሕ ተዐጀበ ወአትዋየነ። ወእግል አቡነወስ፤

“እለ ዔለ ሀበኒ ወእንተ እሊ ገመልዬ እብ ጾሩ ንሰእ” እት ልብል ረምቀዩ። ወአቡነወስ እብ ልቡ እት ፈሬሕ፤ *አነ እለ AHIR ተ። ወብዞሕ ትነፍዐኒ። ደአም ሐቆ ትተምኔክሀ፡ - ላብከ ሚ እወዴ? ንስአ ከመ” እት ልብል ቀልቡ አትመመ እግሉ።

ለበዐለ ገመል እግል አቡነወስ፤ “ሰኒ እግል ንትኣመር፣ ስሜትካ ህዬ መን ተ?” ቤሎ። አቡነወስ ሀዬ፤ “ስሜቼ “ነርጉስ ፌን' ተ” ቤሎ። “ነርጉስ ፌን' እብ ህግየ ዐረብ ተ። 'እት አያ ንዝፈን/ንሰሴዕ?' በሀለት ተ። ለበዐል ገመል ዐረቢ አምር ሰበት ይዐለ መዐነት ለስሜት ኢፈሀመየ።

አቡነወስ ገመሉ እብ ጾሩ ክምሰል ትከበተ፡ እግለ በዐል ገመል ክእነ ቤሎ፤

“ግድም ምን እሊ አቅርን ክል-ምዕል ክልኦት ንቀል። ወነገለት ትፈግር እግልከ። ደአም ዮም ኢትንቀል ምኑ፤ በዲር አነ ሰበት ነቀልኮ፡ ከእለ ነገለት አፍገርኮ”።

ወለእናስ እት ፈሬሕ፡ “ሰኒ” ቤሎ ወአቡነወስ ለገመል እብ ጾሩ እንዴ ነስአ እብ ሸፋግ ሸንከት ዐዱ ጌሰ።

ፈጅረ ለእናስ ምን ለአቅርን ክልኦት ነቅለ። ደአም ለአቅርነት በኑ ፈግረ እቱ። ወእትለ ዔለ ምን ገንሐ ሀዬ ሴመ ኢረክበ። ወ፣ “ሚ ተ እለ?” እንዶ ቤለ ብዞሕ አትዋየነ።

ክል-ምዕል ምን ዮም ዲብ ዮም እረክብ፡ እት ልብል ክሉ ለአቅርን ናቀለ። ወእት ደንጎበ፤ “ነርጉስ ፌን፡ ቀሼኒ” እት ልብል ሐስበ። ከእብ ሐሩቀት፤ “ገድም እንዴ ጊስኮ ምን ሐዝዩ ሐይስ” ቤለ ከእግል ልሕዘዮ ትበገሰ።

ገበይ ረያም ክምሰል ጌሰ እት ዎሮ ዐድ መጽአ። ወእግለ እኩብ ለዐለ ሰብ ለዐድ፤ “ያ ጀማዐ፡ ነርጉስ ፌን ተአምሮ?"” At ልብል ትሰአለዮም። ወሰብ ለዐድ AN ስኣሉ እት ልትዐጀ'ቦ፤ “አርጉስ ሂነ” (እትለ ዝፈን) እት ልብሎ እብ ህግየ ዐረብ በልሰው ዲቡ። ወእተ ድዋሩ እንዴ ገአው አጣቅዐው እሉ። ወእግል ልዝፈን ሐበረዉ። ለእናስ ብዞሕ ፈርሀ ወደንገጸ። ሰሓቃት ምን ወደዉ ብዞሕ ከጅለ። ወክምሰል ኢትፋሀመዉ እት ዐድ ብዕድ ጌሰ ወትሰአለ። ለሓርያምመ ክምሰለ ቀዳምያም ወደዉ ወለእናስ እግል ልትዐርየን ቀርበ።

ሐር ሹም ለዐድ ትላከዩ ወእብ በይኑ እንዴ ወደ፤ *እናስ ከአፎ እንተ? ወሚ እግል ቲበል ተሐዜ ሀሌከ? ምሽክለትከ ሚ ተ?” እት ልብል መርመረዩ። ለእናስ ክሉ ለመካይዱ ዳገመ

እሉ። ወለሹም፤ “እግል እሊ እናስ ለሰምደ (ለቀሸ) መን ቱ?” እት ልብል ትሰአለ። ወክሉ ለአዳም፤ “ኢነአምር!” ቤለ።

ሐር ለሹም፤ “ለክእነ ወደ ነፈር፣ “አነ ቱ" ምን ልብለኒ አማን ሰበት ተሃገ ማል ሀይቡ” እንዴ ቤለ መሐለ። ወአቡነወስ፤ “አነ ቱ AWAY ወዴኮ” እት ልብል አምነ። ወለሹም ክምሰል ቆሉ ማል ብዞሕ ሀበዩ። ደአም እግለ ገመል እብ ጾሩ ዲብ በዐሉ በልሰዩ። ወአዳ'ም ክሉ እብ መዋዲት አቡነወስ ተዐጀበ፡ ልብሎ።